Umowa ugodowa z 1463 r. (Nr. 24 Paul Frauenstädt)

Z almanach wrocławski
Przejdź do nawigacjiPrzejdź do wyszukiwania
Monolitowe kamienne krzyże



Nr. 1 Paul Frauenstädt

1463

(Signaturbücher der Stadt Breslau. Stadtsbibliothek daselbst)

Wir Ratmanne etc. Bekennen etc. das vor uns in sitzendem rate kommen sein Andris Witke und Hentschil sein bruder von Conradsdorff von wegen Nickels Ires Sones und bruders, der von Jorgen Springem von Lankenow sulde irmort sein an eyme und Nickel Sdiuwart, lorencz boleze, Nickel Meisner und Hanns von Bande unserm mitteburger als burgen und in machte des egnanten Jorgen Springers von lankenaw am andern teilen und haben dieselben sachen von des gescheenen mordes adir totslagis wegen alle und itzliche zu uns an beiden teilen mechtiglischen und unsterefflichen czwuschenin beiden teilen zu vorrichten gesatzit, So sint wir eyne worden und sprechen in derselben und gegeben gewest ist, zu deme man den toteltag gefordert und geczogen hat, zum irsten den vater des irslagenen demutiglichen beten sal das her Im die obiltot des mordes an seinem Sone begangen als man vorgebit her is geton adir dorczu geholffen habe, lewterlich umb gotis willen vorgeben welle. Czum andern sal der egnante Jorge Springer totslegir in desem Jore eyne Romfart vor Nickeln den irslagenen tun und das her die vorbrengen wil, vorborgen und sal do zu Rome seine sunde beichten und busse entpfoen und das her zu Rome gewest ist von dannen kuntschaft des beichtegers brengen und sal eyne Marter an der stat do Nickel irslagen ist setzen und ap her des irslagenen vorgnanten Vater yemer in noten gesatczet sege, zo sal her bey In treten und helffen schutczen und Jm und alle den seinen sust fruntschafft und libe wo her mag die weile her lebit irzeigen un ouch das her gefenknis dorynnen her allhie gesessen hat nymer in arge gedenken sal noch wil, zo sal ouch Jorge der busser vor deme vater und allen seinen und Nickels des irslagenen frunden vorbasmer gancz sicher sein und allinthalben von sulches totslagis wegen unbekommert bleiben, also sullen alle und iczliche dese suchen entsatczit und entscheiden sein czwuschen beiden teilen die ouch die obgnanten beiden teile und burgen globit haben stete gancz und unvorbrochlichen zu halden an alles boses geferde und eyn teil keigen dem andern nicht gedenken wil in keiner Weise, des zu bekenntnisse haben Wir unser Jngesigel uff desen briff lossen drucken.